The Alien - Help Select
الأربعاء, يونيو 04, 2008

لو عايز تحرق دم بنت



لو عايز تحرق دم بنت
--------------------------------------------------------------------------------
ازاي يرفع الولد ضغط دم البنت؟؟؟
العملية فى منتهى السهولة و سيتم عرضها من خلال من خلال عدة مواقف متتالية و الله المستعان و ربنا يقدرنا على بنت حواء......


1- اذا كنت ماشفتهاش من زمان و قابلتها صدفة و بتسالك انت عامل ايه ازى احوالك ؟
ترد بمنتهى السماجة ...انتى مش شايفانى فرحان و سعيد انى قابلتك ااقوم ارقصلك يعنى؟
2- ولما ترد و تقول خلاص انا اسفة
ترد و تقول شىء طبيعى
3- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها
ميه!!
4- لو كنت فى عرابيتك و عدى من جنبيك عربية و فيها بنت حلوة افضل باصيصلها و متنح و لما تسالك انت بتبصلى كده ليه شد على
الرابع و نفضلها.......
5- لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها ماعليش اصل صوتك
شبه صوت حسنى بالظبط.
6- لو ماشى مع بنت جميلة جدا و بتسالك عن رايك فى شكلها قولها
هايلة يا حياتى بس لو فيه منك على حريمى!!!!!!
(اللى مافيهمهاش يسالنى)
7- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30
بص فى ساعتك و قوللها تمام الساعة بتاعتك مظبوطة!!!!!
8- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تزمر على اخرك.....
9- لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها (والطريقة مجربة و جابت مفعول) .....
هتنادى عليك........
- احمد .... ممكن لو سمحت......
- بصلها و اضحك فى و شها و بعدين دير وشك و نفضلها خالص و لا كانك شفتها قبل كده......
طبعا و شها هيبقى شبق الطمطماية لكنها بعد كده هتروح تشتكيك لوميلاتها و تقول عليك انك و لد تنك و ماعندكش دم و لا ذوق....
و فجاة روح كلمها عادى و لا كان حاجة حصلت......
هتحتار فيك و تعجب بيك.... و يمكن تحبك.....
(على فكرة انا لما عملت كده كانت صدفة و الله ماكنتش اقصد)
10- لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........
و البياع لسة بيجيبلها الحاجة قوله : ماتخلصنى بقالى ساعة قدامك و بعدين بتمشى الانسة ليه انا جى قبلها
(طبعا اعمل حسابك ان البقال هيضربك باى حاجة فى ايده)
11- لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية
طبعا اتصرف على الفور و قعدها جنبه و اقعد انت ورا!!!!!!
12- لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما
انضرت من شوية رجالة كانوا بيعاكسوها و انت عملت فيها احمد عرابى ....
امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما رسبت السنة
اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......
مش عارف ليه يا حياتى حاسس انك فقر و نحس!!!!!!!!
13- لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟
قولها: هو انتى مين فيهم!!!!!!!!
14- لو كنت ماشى مع بنت سامرة (على فكرة انا بموت فى السمر ماتفهمونيش غلط انا حتى اللى بمشى معاها شبه سامية جمال!!) وكانت
لابسة فستان احمر و قاليتلك دلعنى....
قولها : يا فحم مولع..!!!
15- لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه
رد عليها و قولها : واعمل زيه ازاى و انا ماعرفش البنت اللى بيمشى معاها!!!!!!
16- لو بتسالك فى غيرة ( انا عرفت انك ماشى مع بنت تانية غيرى اسمها دعاء و شاقرة) رد و قول لا و الله انا ماشى مع بنت خمرية و
اسمها سارة!!!!!!!










10 التعليقات :

  1. ايه ده حرام كده ده ما يبقاش ظريف خالص ده يبقه زباله ديه اقل كلمه وبعدان انتم فهمين البنات خلط ذى ما فيه بنت مش كويسه فى بنات مش كويسه ومش كل الشباب صيعه كده واى ولد يعمل الحاجات ديد ويقول بحرق دمها يبقه غلطان لان هى ممكن فى تانيه تكره ودور على واحد تانى اسالوانى انا والله

    ردحذف
  2. والله هى حاجة ظريفة بس ممكن البنت تزعل وممكن كمان تشتمك وتمشى اذا كانت مش محترمة يعنى

    ردحذف
  3. اوعى حد يعمل الكلام دة لان البنات فيهم الكويسة وفيهم الوحشة

    ردحذف
  4. فى حاجات كتير مش كويسة والبنات مش زي بعضهم

    ردحذف
  5. ايه الهبل ده

    ردحذف
  6. انت فظيع بجد
    بس حرام كدا ممكن نموت هههههههههه
    تسلم يا قمر

    ردحذف
  7. ممكن اضيف موقف جميل انا عملته

    انا شوفت بنت جميله اوى فى الجامعه عندنا قربت عليها وابتسمت فبصتلى تنتنى مدقق فى عنيها واول مابقيت قدامها قولتلها على فكره فابتسمت وقالت نعم
    قولتلها انت وحشه اوى
    وبعدها عينك ما تشوف الا النور او بمعنى اصح عينى انا

    بلاش احكيلك على اللى حصل
    بس على فكره البنت ده كانت اجمل بنت شوفتها وبقينا زمايل بس ما بتكلمش اى حد غيرى ولا حتى انا الا فى اوقات بسيطه جدا لانها كل ما تشوفنى تفتكر الموقف واصعب عليها



    ملحوظه اوعى حد يعمل زى ما انا عملت
    شكرا

    ردحذف
  8. ممكن اضيف موقف جميل انا عملته

    انا شوفت بنت جميله اوى فى الجامعه عندنا قربت عليها وابتسمت فبصتلى تنتنى مدقق فى عنيها واول مابقيت قدامها قولتلها على فكره فابتسمت وقالت نعم
    قولتلها انت وحشه اوى
    وبعدها عينك ما تشوف الا النور او بمعنى اصح عينى انا

    بلاش احكيلك على اللى حصل
    بس على فكره البنت ده كانت اجمل بنت شوفتها وبقينا زمايل بس ما بتكلمش اى حد غيرى ولا حتى انا الا فى اوقات بسيطه جدا لانها كل ما تشوفنى تفتكر الموقف واصعب عليها



    ملحوظه اوعى حد يعمل زى ما انا عملت
    شكرا

    ردحذف
  9. ممكن تكون بتحب واحده وهى مش واخده بالها وفىنفس الوقت واحده تانيه بتحبك وانت ولا هنا

    ردحذف

للتعليق علي الموضوع او اي استفسار اكتب التعليق وعند الانتهاء من كتابة التعليق اضغط علي كلمة كتابة التعليق

نجوم اف ام Nogoom FM 100.6
مرحبا بكم في الموقع غير الرسمي لاذاعة نجوم اف ام .. اسمع الاذاعة مباشرة بدون برامج بالاضافة للاذاعات الاخرى راديو روتانا وراديو صوتكم وراديو ميلودي وبرنامج انا والنجوم وهواك للمذيع اللامع اسامه منير كل يوم أحد وثلاثاء الساعه 12 بعد منتصف الليل وتمتع بالعديد من وسائل الترفيه الاخرى ...، ملحوظة : الموقع ليس له صلة باي شخص باذاعة نجوم اف ام Welcome to Ngoum FM Unofficial Blog, Listen live to Nogoom Fm and other Radio Stations

اصدقاء الموقع


 


تابعنا عبر الجوجل بلس :

تابعنا عبر الفيس بوك:

ليصل جديدنا إلى بريدك تفضل بالاشتراك