The Alien - Help Select
الثلاثاء, يونيو 03, 2008

للمجانين فقط



لو لقيت نص شبابنا بيضرب بانجو وحشيش عـ القمة ......يبقى أنت أكيد في مصر .

لو صندوق زبالة فاضي والناس رامية الزبالة جنبه ...يبقى أنت أكيد في مصر .

لو لقيت غطيان البلاليع في الشارع مسروقة وصناديق الزبالة مسروقة ولمض النور عـ السلالم مسروقة وشارع بحاله في محطة
الرمل لبيع الموبايلات المسروقة ...يبقى أنت أكيد في مصر .

لو لقيت بلد تعبانة وموجوعة وشبابها همه في الدنيا روبي وهيفاء ......يبقى أنت أكيد في مصر .

لو لقيت رغيف العيش فيه دبارة ومسمار وجناح صرصار ..يبقى أنت أكيد في مصر .

لو لقيت البطيخ مسموم والعنباية قد التفاحة والتفاحة لا طعم ولا ريحة والخوخة منقعوة في الكلور والمية اللي نازلة من الحنفية
ريحتها مجاري .....يبقى أنت أكيد في مصر .

لو حبيت تعرف اللي بيحصل في بلدك لازم تشتري دش وتعرف من بره بلدك عن طريق الفضائيات ....يبقى انت أكيد في مصر .

لو البلد تعبانة و44% من سكانها يعيشون تحت خط الفقر وفيها عبارة غرقانة وانفلوانزا الطيور ومع كده رئيسها يطلع في حوار
صحفي والمذيعة تسأله انت مرتاح لوضع البلد ...فيكون الجواب مرتاح اوي ......يبقى انت اكيد في مصر

لو مشيت على طريق مصر اسكندرية ولقيت مدن وبيوت طويلة عريضة وقرى سياحية ...فاضية ومهجورة وصحابها ما بيسكنوهاش
غير اسبوعين في الصيف ....ومشيت في شبرا ولا الحضرة ولا كرموز ولا غيط العنب ولقيت الناس عايشين في اكشاك خشب
وصفيح .....يبقى انت اكيد في مصر .

لما 90 % من الموبايلات اللي بتقع من صحابها في الشارع او في المواصلة اللي بيلاقيها ما بيرجعهاش وياخدها ويقبلها حرام على
نفسه ....يبقى انت اكيد في مصر .

لو لقيت شعب عمال يفتخر انه شعب متدين وبتاع ربنا واكتر بلد فيها الأسلام وبلد الأزهر ...ومع كده سب الدين شيء من العادي انك
تسمعه في الشارع يبقى انت اكيد في مصر



لو لقيت الأتوبيس فاضي ..والشارع نظيف ...والناس إيجابية ...والأكل نظيف ....يبقى أنت أكيد أكيد مش في مصر







7 التعليقات :

  1. عسل انا بردةبقول كدة
    بس انا مش مجنونة

    ردحذف
  2. والله عيب وحرام دى مصر احلى بلد فى الدنيا كلها

    ردحذف
  3. كل حاجة قولتها صح 100%

    ردحذف
  4. اية السكر دة فيلسوف يا خواتى

    ردحذف
  5. بجد حلوين اوي بس مصر مش وحشة اوي كدة

    ردحذف
  6. والله عيـــــــــــــب عيـــــــــب انت بجد لو مصري يبقى معندكش أصل ولا انتماء...
    واللي ملوش خير في بلده ملوش خير في حد...
    كفاية بقى نهزء نفسنا و نهزء بلدنا بقينا مسخرة وسط البلاد التانيه و احنا اللي جايبينه لنفسنا مع ان عيوبهم أكتر مننا بس ساترين نفسهم مش خيبة زي كل اللي بيفضحونا من بلدنا...
    مصر أم الدنيا و هتفضل أمها ليوم الدين مصر دي بلد الخير بلد الحب و الطيبة و الأمان .. ربنا يحميها و يحفظها لينا...آمين يارب ...

    ردحذف
  7. بجد فل عليك وعلي كلاامك بج انتا مصري طحن انتوا لية مش بتواجهوا نفسكم كل اللي قالة مظبوط وكمان نسيت حاجة لما تلااقي الااعب سعرة 5 مليون جنية والبلد مش لااقية تاكل يبقي انت اكيد في مصر لما تلااقي الناس تتخانق وتتسابق علي عضوية مجلس الشعب وبيروحوا هناك يناموا ومش بيقولوا غير اعترض يبقي انت اكيد في مصر لما تلااقي التوكتك ملااي الشوارع والسرقة شغالة والبنات عراية في وسط البلد يبقي انتا اكيد في مصر لما تلااقي فنانة زي هيفا ودومينك بتغني والراجل في بيتهم اعد يدندن معاهم وسايب اكل عيشة يبقي انتا اكيد في مصر لما تلااقي الااسعاف بتيجي بعد 3 ساعات من طالبها يبقي انتا اكيد في مصر لما تلااقي واحد خبط 12 واحد بعربيتة وكلهم ماتوا ودفع ل 11 واحد عوضهم ورقم 12 في الحج بيدور علية يبقي انتا اكيد في مصر

    ردحذف

للتعليق علي الموضوع او اي استفسار اكتب التعليق وعند الانتهاء من كتابة التعليق اضغط علي كلمة كتابة التعليق

نجوم اف ام Nogoom FM 100.6
مرحبا بكم في الموقع غير الرسمي لاذاعة نجوم اف ام .. اسمع الاذاعة مباشرة بدون برامج بالاضافة للاذاعات الاخرى راديو روتانا وراديو صوتكم وراديو ميلودي وبرنامج انا والنجوم وهواك للمذيع اللامع اسامه منير كل يوم أحد وثلاثاء الساعه 12 بعد منتصف الليل وتمتع بالعديد من وسائل الترفيه الاخرى ...، ملحوظة : الموقع ليس له صلة باي شخص باذاعة نجوم اف ام Welcome to Ngoum FM Unofficial Blog, Listen live to Nogoom Fm and other Radio Stations

اصدقاء الموقع

 


تابعنا عبر الجوجل بلس :

تابعنا عبر الفيس بوك:

ليصل جديدنا إلى بريدك تفضل بالاشتراك