The Alien - Help Select
الثلاثاء, يونيو 03, 2008

اتعلم ازاي تعاكس البنات

اتعلم ازاي تعاكس البنات

--------------------------------------

ازيكوا يا شباب

ركزوا معايا متسرحوش
عشان مش هعيد تانى
الكل معايا يستعد !! تخيل البنت من دول ماشية وليكن فى الشارع او فى مول ودخلت نغاشيشك قوي وعايز تكلمها




قرب منها وفي صمت دامس ولازم تخليها تشوف عيونك


إفضل بص ليها


البنت طبعا هتتكسف وتبص الناحية التانية


انت هتطلع رخم وتقرب جنبها تقولها ياه إية العيون الجميلة دي عيونك جميلة زي القطط بالظبط


هية هتبتسبم ومش هترد وهتتقل واحلي حاجة البنات اللي بتتقل ..


انت بردو هتكون ارخم وارخم ومتسبهاش قولها تعرفي انى عمري ماشوفت احلي من الشعر دة
ولو كانت لابسة طرحة
تقولها لعلمك شكلك جميل جدا بالطرحة مش هتعبرك بردو اطمن ...


خليك أرخم وأرخم (على طبيعتك اقصد) قولها بردو مش هتعبرنا ياجميل ... علي العموم دة رقم تليفوني وتقوله


هتلاقيها مطنشة قولها انتى بتتقلي لية انا عايز الرضا ياعسل


وخليك واد جنتل وانت بتعاكس يعني مترميش نفسك عليها اوى


قولها علي إسمك وإفضل ماشي جنبها مش وراها مش عايزين غباء وبصلها اوى ..

هتقولك فية اية انت عايز اية قولها بس اصل اول مرة اشوف حد بالجمال دة ..هتقولك ...ياخفة..وهية بتضحك...

قولها تعالي نقعد في اي كافيترية او اى مكان انتى تختارية ..

هتتراخم وتكشر وتقولك مبقعدش

قولها طيب انا فرحان اوى لانك رديتي عليا ..

هتضحك قولها علي العموم انا عايز اكلمك لانى معجب بيكى اوى
هتقولك لا قولها لا لازم اكلمك

هتلاقيها بتقول لا وهية من جواها نفسها تكلمك

قولها طيب شوفي انا بكرة هقعد فى المكان الفلاني وهنتظرك الساعة كذا كذا

هتسكت امسك اي ورقة وقلم واكتب رقم تليفونك واسمك ولازم تحطة مثلا علي كتاب ليها مسكاة اى حاجة مسكاها ولو

انت جرئ حطها في إيدها وإمشي علي طول وقولها ياريت اسمع صوتك ياجميل

وبعدين
.
.

هتلاقي نفسك اما في السجن او عند المأذون مع ان السجن اهون..

شفتوا بقي اخرة اللي بيعاكس البنات في الشارع
يارب تتعظو
وتسيبو بنات الناس فى حالها
يتكو القرف مليتو البلد

وملحوظه صغيرة تانى للتذكير: لو حصل اى ضرب انا ماليش دعوة
انا مش مسئول عن سوء الاستخدام فى المراحل الاولى
تحياتى







13 التعليقات :

  1. انت عسل وعلى فكرة هوة دة الى بيحصل معايا فعلا قولهم حاجة بقى يا قمر وعلى فكرة انت عسل لتانى مرة

    ردحذف
  2. يخرم جيبك يا شيخ ايه يابنى ده ضحكتنى وانا مش ليا نفس برافو عليك مع تحياتى مــــــــــ ـات الحــــــــــ ـب E-mail: dontlikethis_live@yahoo.com

    ردحذف
  3. انت واد زى العثل ابو ثكر
    بس ممكن تلاقى نفسك فجأه بتعرفك على مامتها وشوية بتكاكل الجاتوووووووو وتلاقى نفسك بتقرأ الفاتحه
    وتدبس يا معلم اسألنى انا


    محمد عبدالهادى

    ردحذف
  4. واللة احسن معاكسة وعلى فكرة انت عسل اوى

    ردحذف
  5. انت عسل وكلامك اعسل

    ردحذف
  6. معكسااااااااااااااااااا جامدة بس اخرتك هتبقى ف السجن اكيد

    ردحذف
  7. اميرة الاحزان2 أبريل 2010 في 6:11 م

    هو ده اللى بيحصل بالظبط واكتر قول حاجة بقى

    ردحذف
  8. على فكره جامده جدااااااااااااااااااااااا

    ردحذف
  9. يا جامد على فكره كل كلمه حصلت معايا بالضبط بي مضربش ولا اتسجن ولا كلمته يعني النهايه سايلن


    انته عسل أوي وعقلك كبير يا مان بس البنات مش للدرجاتي لعبه بيس

    مي من مصر الجديده

    ردحذف
  10. على فكره ملوش لزمه الكلام دا كله لان البنت دلوقتى هى اللى بتنقى الولد اللى عاوزه تكلمه

    ردحذف
  11. جامد يبوب بس مش اى بنت الواحد يفكر يكلمها
    دول كتييييييييييييييييير

    ردحذف
  12. لو عايز تتجوز بنت حلوة البنات مش بيوجو بلمعاكسة دةلو عايز تتجوزة بلاش تغتت علية احسن تتف فوشك ولا حاجة

    ردحذف
  13. حرام عليكوا سيبوا بنات الناس في حالها

    ردحذف

للتعليق علي الموضوع او اي استفسار اكتب التعليق وعند الانتهاء من كتابة التعليق اضغط علي كلمة كتابة التعليق

نجوم اف ام Nogoom FM 100.6
مرحبا بكم في الموقع غير الرسمي لاذاعة نجوم اف ام .. اسمع الاذاعة مباشرة بدون برامج بالاضافة للاذاعات الاخرى راديو روتانا وراديو صوتكم وراديو ميلودي وبرنامج انا والنجوم وهواك للمذيع اللامع اسامه منير كل يوم أحد وثلاثاء الساعه 12 بعد منتصف الليل وتمتع بالعديد من وسائل الترفيه الاخرى ...، ملحوظة : الموقع ليس له صلة باي شخص باذاعة نجوم اف ام Welcome to Ngoum FM Unofficial Blog, Listen live to Nogoom Fm and other Radio Stations

اصدقاء الموقع


 


تابعنا عبر الجوجل بلس :

تابعنا عبر الفيس بوك:

ليصل جديدنا إلى بريدك تفضل بالاشتراك