The Alien - Help Select
الخميس, مايو 29, 2008

حلقة جامدة من برنامج انا والنجوم وهواك





(انا والنجوم وهواك)
ده برنامج مصري بيجي على نجوم fm

والبرنامج ده اغلب البنات بتحب تسمعه

وانا النهارده لازم اتكلم على البرنامج ده بطريقتي الخاصه

..................................

سيداتي سادتي كله يظبط موجة راديو على قناة " الإف إخص"
20006600
حيث المرح و الهرج و التهييس و قناتنا هي أول قناة تنمي
التفاهة عند

الشباب وتفخر بأنها لا تقتصر فقط على الراديو بل و أيضا
التلفزيون

عشان نطبق المثل " اللى ما يشتري يتفرج "

و أيضا قناتنا تقدم باقة مختارة و غير مختارة من الأغاني بهدف

و الأن نترككم مع برنامج "أنا والفسيخ وهواااك " مع أسامة
سمير

تحذير هام :
" ننصح مرضى القلب و الضغط مراجعة الطبيب قبل الإستماع المحطة
غير

مسؤلة عن أى أصابات "

المذيع ( عفانا الله و عفاكم ) : أحبائي الحبيبه اللى بيحبوا
الحب
عشان خاطر الحب (مش عشان حاجة تانية...) موضعنا النهاردة عن(الحياء في الحب)
وده موضوع يؤرق كل شبابنا الحَبيّب و نحب ننبه على
كل اللى

هيتصلوا بينا البنين منهم والبنات(أقل من 18 سنة) على انهم يخلوا التليفون جمبهم
تحت البطانية

ويتأكدوا إن كل اللى فى البيت ناموا ( عشان ياخدوا راحتهم فى الفضفضة واعرف
اعملهم انلايزيشن كويس يرضيهم ويبسطهم ) .....ونستقبل
أول إتصال

حريمى

المذيع :
الووووووووو

الحبيبة : ألو إزيك يا أثامة أنا بحبك أوي اوي بجد بحبك
موووووت وكان
نفسى أكلمك من زمان
المذيع : فعلا .. فعلا ..أنا اتحب حقيقي ( ويستدرك بعد
مصمصة شفايفه
وبلع ريقه) بس إحنا موضعنا إنهاردة عن الحياء في الحب إنت
متجوزة
؟
الحبييبة : لأ
المذيع : مخطوبة ؟
الحبييبة : توء
المذيع مرتبطة عاطفيا ؟
الحبيبة : أه
المذيع : طب يا ترى قلتيلوا بحبك؟

الحبييبة في إندهاش و إندفاع شديد : طبعا كتير بس هو مأليش
خالص...
المذيع : أه ممكن يكون هو بيتكسف أو في أنواع من الشباب ما
بيصرحش
بحبه لأنه أكيد بيكون بيلعب
بعواطف البنت بس أنا بشجعك علي الإستمرار في
العلاقة

الحبيبة : اثامة بث حاثة إني بحب واحد تاني بث الأولاني مالي عليا
حياتي


المذيع : أنا رأي إنك تسيبي الأول و التاني و تحبي من أول و
جديد

و دلوقتي نسمع أغنية "الإختشوا ماتوا"







35 التعليقات :

  1. انا شيفه انها حريه شخصيه اللي يحب يسمعه يسمعه هو اسامه او اسره الاف ام مبيضربوش حد علي ايده علشان يسمع وبعدين للعلم ليس الا انا اتحلت مشاكل كتير ليا من البرنامج دا مع اني ولا مره اتصل بس فقط لسمع شكاوي الناس

    ردحذف
  2. على فكره انا من رائ ان البرنامج ده وهم بس هنعمل ايه للشعب المصرى هو اتعود على كده انى واحد يقوله اى كلام علشان يرتاح بس والله العظيم بجد لو حد حاول يقرا القرأن الكريم كل المشاكل الدنيويه هتتحل والله العظيم بجد بس جربوا وانتو مش هتندموا وكل بنوتا مش تاخد بالكلام ده علشان اسامه مش بيحل مشاكل هو احسن حاجه فى البرنامج انو بيقول مشاكل بس صدقونى
    بقول لكل الشباب والبنات ارجعوا الى ربنا وكل اللى على الكره الارضيه ارجعوا الى ربنا هتكسبوا والله بجد احنا محتاجين لرحمه ربنا احنا فى وقت ضيق mmop26@yahoo.com
    mo_love47@yahoo.com

    ردحذف
  3. صباح الفل على احلى نجوم اف ام انا بسنت من القاهرة احب ابعث رساله لحبيب قلبى سمسم اللى بموت فيه ويارب يرجعلى بالسلامه.

    ردحذف
  4. بحب الحب اللى جمعنا واحب الشوق اللى وجعنا بحبكككككككككك ياسمسم
    بسنت حبيبه قلبك

    ردحذف
  5. سمسم حبيبى رساله من حبيبه قلبك اللى بتموت فيك وبتعشقك وبدوب فى هواك بسبوستك وقطقوطتك وحبيبتك بوسى

    ردحذف
  6. انا بموت فى حبيبتة قلبى بوسى اللى عمرى ما هفرط فيها ابدا

    ردحذف
  7. انا حبيتكى قوى قوى قوى يابوسى ياحبيبة قلى وبجد انتى غيرتى كل حياتى ونفسى اسعدكى واحقق ليكى كل ما تتمنيه . سمسم حبيبكى

    ردحذف
  8. بحبك اوى ياحبيبى ونفسى اعيش عمرى كله معاك بسنت

    ردحذف
  9. صباح الورد على عيون حبيبة قلبى وروحى بسبس . وحشتينى جدا ونفسى اكلمكى بليل سمسم حبيبكى

    ردحذف
  10. ياعمرى يااملى فى الحياه انا خلاص مليش حد غيرك انت حبيبى ونصيبى وكل حاجه ليا وابو محمد ومنى وروح قلبى من جوا بوسى حبيبتك

    ردحذف
  11. عارف ياسمسم انك بقيت كل حاجه فى حياتى قلبى وعقلى وروحى وكل مافيا محتجالك بعشقك اوى

    ردحذف
  12. حبيبتى بوسى انا من غيركى تعبان انا فى بعدكى ضايع انا فى حبك واقع انا فى الشركه لو عاوزانى كلمينى . سمسم حبيبكى

    ردحذف
  13. ياقلب بوسى ياعمر بوسى انت انت قلب بوسى من جوابحبك اوى اااه لو تعرف ياقلبى حبى ليك بيزيد جوايا انت جوزى وحبيبى

    ردحذف
  14. انا اسفه بجد انا عمرى ماكنت اتصور حبنا ينتهى كدا انا عمرى ماهحب حد تانى قلبى اتقفل ملوش مكان لحد بوسى الحزينه

    ردحذف
  15. يابوسى انا لسه بحبك بس انا مشغول الفتره دى اعذرينى والف سلامه عليكى ويارب تكونى بخير . سمسم حبيبكى

    ردحذف
  16. كل سنه وانت طيب ياحبيبى HAPPY VALENTINE DAY سمسم بحبك

    ردحذف
  17. باح الخير نجوم اف ام
    انا لسة بحبك يا صبري00000000000000000000000000

    ردحذف
  18. انا لسة بحبك يا سوسو

    ردحذف
  19. ترررن ترررن ..الووووو...حببتى ممكن اغنيلك ..

    انا اكثر واحد بيحباااك...

    ردحذف
  20. توت توت قطر زغنطوط

    ردحذف
  21. حبيب الروح30 أبريل 2010 6:39 م

    حبيب الروح شكرا على كل وقت قضيته معاكى وبجد انا اسف ليكى وربنا يسهلك

    ردحذف
  22. حبيب الروح1 مايو 2010 7:11 م

    والله بحبك ومقدرشى اعيش من غيرك بجد انا ربنا بيحبنى ان لقيت شريكت حياتى ويارب يطمنى عليكى بجد انا بحبك قوى يا بسبسارجوكى طمنينى عليكى mido2181984

    ردحذف
  23. حبيب الروح3 مايو 2010 2:20 م

    حبيبتى بوسى والله بجد انا مشعارف اعمل ايه من غيرك

    ردحذف
  24. حبيب الروح3 مايو 2010 2:27 م

    أهديك وردة ياسمين لونها لون قلبك تصبح عليك وتقول يا عسى الخير دربك .

    ردحذف
  25. حبيب الروح3 مايو 2010 2:29 م

    حبيبي
    الشوق إليك يقتلني
    دائماً أنت في أفكاري
    وفي ليلي ونهاري
    صورتك
    محفورة بين جفوني
    وهي نور عيوني
    عيناك ..... تنادي لعيناي
    يداك ..... تحتضن يداي
    همساتك .. تطرب أُذناي

    ردحذف
  26. حبيب الروح3 مايو 2010 2:32 م

    . لوتصيرالليل وأنابحضرتك سهران...... أحبك لوتصير الماي وأناأتوسلك عطشان..... أحبك وابقى مخلص لك وحق من نزل القرآن ...... أحبك ولاأبدلك بأي انسان
    أكتب لك رسالــه .. مثال: الحب شىء حقيقى.. الكل يعرف بوجود الحب..لكن ليس الكل يعرف الطريق الصحيح للوصول للحبوحملت جرحى على اكتافى العزراء وسرت اليك وحملى ان اجد الدواء رحيقا عزبا ينساب من شفتيك يابسمة فى فؤادى يا نجمة فى سهادى يازهرة حبى وعشقى وودادى اهديكى عمرى وهل يهدى العمر الالزات ال

    ردحذف
  27. بسنت ممكن تردى عليا لو ما بدك اوك ردى برده

    ردحذف
  28. حبيب الروح5 مايو 2010 10:23 ص

    والقدر إذا كنت تحب بصدق فتوكل على الله ولا تفقد
    الأمل وإذا كنت كاذباً فارحل وتحدث عن القضاءبحبك بجد والله العظيم بحبك مش كفايه عليكى كلمه بحبك
    HAPPY VALENTINE DAY بحبك يا بسنت ومقدرشى اعيش من غير ك انا عمرى مهقدر انساكى حتى لو انتى نستينى

    ردحذف
  29. اغانى الشتاء9 مايو 2010 9:39 م

    فى وقت بنحتاج فية لحد نتكلم معا ونحكى مشكلنا لى من غير منخاف لان الشخص اللى بيتكلمواميعرفش حاجة عنك غير مشكلتك اللى قولتهلوابصدق واسامة مستمع جيد وناصح ممتاز واللى بيسخر من البرنامج علشان بيتكلم عن الحب فاسمة انا والنجوم وهواك مش انا والاقتصاد وياك وعلى فكرة انا بتابع البرنامج من زمان وعمرى ما اتصلت بس استفدت من تجارب غيرى

    ردحذف
  30. الدنيا اكبر كدبه واللى بيتخيل انه دايم فيها بيضحك على نفسه والانسان مننا لازم يراعى ربنا فى معاملاته لو فاكر ما حدش مراقب افعاله و تصرفاتهيبقى غلطان وبيضحك عاى نفسه لان ربنا عالم بيه ومطلع عليه وعلى ضميره

    ردحذف
  31. اسامة دة راجل محترم ومحدش يغلط فية

    ردحذف
  32. اة طبعا راجل محترم طبعا

    ردحذف
  33. حبيب &&& الروح28 يوليو 2010 7:03 م

    ربنا افرغ علينا صبرا وتوفنا مسلمين ربنا ظلمنا انفسنا وان لن تغفر لنا وترحمنا لنكنن من الخاسرين ربنا اغفر لنا ذنوبنا واسرافنا فى امرنا واعنا على ذكرك وشكرك وحمدك وحسن عبدتك واعنا على الطاعه واعوذ بك من شرور انفسنا وسيئات اعمالنا واعوذ بك من الشيطان الرجيم.

    ردحذف
  34. صباح الخير على اجمل نجوم اف ام انا بسنت صديقه الشات

    ردحذف

للتعليق علي الموضوع او اي استفسار اكتب التعليق وعند الانتهاء من كتابة التعليق اضغط علي كلمة كتابة التعليق

نجوم اف ام Nogoom FM 100.6
مرحبا بكم في الموقع غير الرسمي لاذاعة نجوم اف ام .. اسمع الاذاعة مباشرة بدون برامج بالاضافة للاذاعات الاخرى راديو روتانا وراديو صوتكم وراديو ميلودي وبرنامج انا والنجوم وهواك للمذيع اللامع اسامه منير كل يوم أحد وثلاثاء الساعه 12 بعد منتصف الليل وتمتع بالعديد من وسائل الترفيه الاخرى ...، ملحوظة : الموقع ليس له صلة باي شخص باذاعة نجوم اف ام Welcome to Ngoum FM Unofficial Blog, Listen live to Nogoom Fm and other Radio Stations

اصدقاء الموقع

 


تابعنا عبر الجوجل بلس :

تابعنا عبر الفيس بوك:

ليصل جديدنا إلى بريدك تفضل بالاشتراك