The Alien - Help Select
الثلاثاء, مايو 27, 2008

ازاي تخلي البنات تحبك

مهارات التظبيط والتعليق

أولا : البنت بتحب الولد التقيل
خلى دمك تقيل عليها
سوق الرخامه عليها سوق التلامه والغلاسه ولو ما بتعرفش
تسوق
طلع
رخصه..... مطلعتش....اضرب رخصه

ثانيا : البنت بتحب الولد الغنى
اسرق .... انهب ..... اعمل اى حاجه عشان يبقى عندك فلوس
فلوس
كتير... كتير اوى اوى اوى كمان
مره ..
مش
ضرورى حلال يستحب انها
تكون كمان حرام
عشان تحس ان انت كريم عبد العزيز فى حرميه كيجى2 ولو
ما عندكش فلوس .......وفاشل
ارسم عليها انك غنى
اشتغلها.. هو انت يعنى لاقى شغل يا فاشل اشتغلها

واعملها شغلانتك.

ثالثا : البنت بتحب الولد الى ماتفهموش
خليك متخلف فى اسلوبك وطريقتك
معاها خليك اهبل فى كلامك
ماتديهاش كلمه
مفيده ابدا تفهمها منك وان فهمت كلمه منك
ارجع قولها عكسها خليها تتهبل ولا تفهمش حاجه
خالص

رابعا : البنت بتحب الولد الكداب
افتح عليها علب احكيلها عن رحلاتك للمريخ وغزواتك وفتوحاتك
كلمها عن اختراعك للبنسلين وعن قدراتك الخارقه على الطيران وقرايه افكار الناس
وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج
تهبب ايه وتقابل مين.

خامسا :البنت بتحب الولد الحبوب المحبوب
استخف نفسك وخليك كده فريش طول الوقت وغلس على كل خلق الله
وهزر فى اى وقت وبداعى ومن غير حسسها ان كل الناس بتحبك تهزر معاهم.

سادسا : البنت بتحب الولد الى مش راجل
خليك ناعم كده وبسكوته وحساس اوى خالص جدا موت عالاخر ياى حس شويه

سابعا :البنت بتحب الولد الى يفهمها انها احلى بنت
اوصفلها فى جمالها واحكيلها قد ايه هى فاتنه
وحلاوتها مدوباك ومسهراك يا حبه عين امك
وان هى الوحيده فى العالم الى حلوه وهى بس الى يتبصلها
لان البنت لازم تحس انها احلى واحده لان ماعندهاش عقل يفهم
ان ربنا فضل الناس على بعض فى خلقها واشكالها.

ثامنا : البنت تموت فى الولد الى شكله معتوه
البس لبس غبى ....لازم تسقط البنطلون
البس تيشيرتات مرسوم عليها فران وكلاب وحمير
البس جزم حمرا وكوتشات خضرا وخليك بلياتشو
حاول تغير فى اسلوب لبسك البس هدومك بالمقلوب وبرضه ما تنساش تسقط البنطلون
طول شعرك ونزله على عنيك ولو شعرك اكرت طوله برضه واحلق خط بعرض 3سم فى
نص راسك بالطول
لو عمر دياب مره حلق حواجبه اوع تتردد اديها حواجب قرعه
علطول.

تاسعا : البنت بتحب الولد التافه
اتكلم ع التمثيليات وبرامج التليفزيون والاغانى الجديده
والفيديو
كليبات و والمطربات والمطربين وخد بالك من النقطه الجايه دى بقى
اقنعها ان انت صوتك حلو وبتغنى وقريب هيكتشفو
موهبتك وهيخلوك تغنى فى برنامج مواقف وطرائف الحيوانات

عاشرا : البنت تحب الولد الى بيحب غيرها.
عمرك سمعت عن بنت حبت واحد
بيحبها
لاء
طيب خد النصيحه دى.. اهم نصيحه وسر نجاح اى علاقه باى
بنت
البنت ماتحبش اى واحد يحبها.. وتحب اى واحد تكون هى
ولا
على
باله ..طنشها واركنها ولا تحسسها انها بنى ادمه
واهم حاجه الكلام
الى فات ده كله شرط انك تعمله مع
اكتر من بنت ويستحب
يكونو خمس بنات او من مضاعفات العدد خمسه
لان ده الرقم الى بيمنع الحسد والنقص فى النسوان .
اوع تكون هى الوحيده فى حياتك ولو مش لاقى بنات تانيه غيرها
اتصرف...
صاحب اى شغاله ولا اى بياعه خضار
ولا اى شحاته

((نوع كده وخليك واد كووووووول))
النتيـــــــــــجــة
هتعلق نص بنات الدنيا والنص التانى هيعلقو واحد تانى قرا
نفس الموضوع ولو
أنت و هو اتفقتو سوا ممكن تبقو تبادلومع بعض النص بتاعك
والنص بتاعه لو كل واحد اتخنق من النص بتاعه
طبعا هتسأل وباقى شبان الدنيا

يابنى دول خلاص ندهتهم النداهه كلهم كمنشات ومعظمهم مضحوك عليه
وعايش فى وهم معيشاه فيه بنت






6 التعليقات :

  1. علىف كرة الكلام ده غريب جدا مش صح طبعا عمر ما البنت تحب الولد اللى بيكدب عليها وخصوصا الكداب مع احترامى لرايك لكن اللى كتب الكلام ده لازم يكون شخصية انجرحت وكتبت الكلام ده تحت تأثير الجرح لا يمكن يكون ده كلام شخص عادى بجد مش كل ده صح انا عارفة ان اغلبية البنات بقوا وحشين لكن مش معنى كده ان مفيش منهم ناس كويسة ومحترمة يهمها اخلاق الولد واحترامه لنفسه وللناس وقبلهم كلهم ليها وعمر ما بنت هتسامح ولد وهو يعرف عليها واحدة بس مش خمسة كمان راى انك تفكر بعقلك وتبص فى الدنيا بجد بعين المقدر الفاهم مش بعين المتشائم المجروح وربنا يوفق الجميع

    ردحذف
  2. هههههههههههه انت بتهزر اكيد مش معقول نكون بقينا كدا
    احنا مش تافهين للدرجة دى وفينا لسة اللي بتحب بجد وباحترام ولاقية اللي بيقدر دا وان كان في بنات كدا فالغلط مش عليهم لوحدهم لو عاوز تحسبها صح يبقي اى علاقة حب فاشلة بتكون بسبب الطرفين مش طرف واحد مع احترامى ليك

    ردحذف
  3. طيب انا بحب انسانه و عايز اروح اكلمها ومش عارف اعمل اية

    ردحذف
  4. انا بجد بحب انسانا ومش عارف اكلامها عشان اخت صحبي و مش عايز اخصر صحبي ولا اخصرها اعمل اية انا ايميلي ahmed_mafia638@yahoo.com

    ردحذف
  5. وانا كمان بجد بحب انسانه بس مش عارف اقولهاولا عارف اعمل ايه

    ردحذف
  6. ده طبعاكلام مش منطقي خالص

    ردحذف

للتعليق علي الموضوع او اي استفسار اكتب التعليق وعند الانتهاء من كتابة التعليق اضغط علي كلمة كتابة التعليق

نجوم اف ام Nogoom FM 100.6
مرحبا بكم في الموقع غير الرسمي لاذاعة نجوم اف ام .. اسمع الاذاعة مباشرة بدون برامج بالاضافة للاذاعات الاخرى راديو روتانا وراديو صوتكم وراديو ميلودي وبرنامج انا والنجوم وهواك للمذيع اللامع اسامه منير كل يوم أحد وثلاثاء الساعه 12 بعد منتصف الليل وتمتع بالعديد من وسائل الترفيه الاخرى ...، ملحوظة : الموقع ليس له صلة باي شخص باذاعة نجوم اف ام Welcome to Ngoum FM Unofficial Blog, Listen live to Nogoom Fm and other Radio Stations

اصدقاء الموقع


 


تابعنا عبر الجوجل بلس :

تابعنا عبر الفيس بوك:

ليصل جديدنا إلى بريدك تفضل بالاشتراك